11 қарашада доллар, еуро және рубль қанша теңгеден сатылып жатыр?

11 қарашада Қазақстанның ірі қалаларындағы ақша айырбастау орындарында доллар, еуро және рубль бағамы жарияланды. Астана, Алматы және Шымкентте шетел валюталарының сатып алу және сату бағасы әртүрлі, деп хабарлайды Baspasoz.kz.

Kurs.kz мәліметіне сүйенсек, елордадағы ақша айырбастау орындары АҚШ долларын орта есеппен 444,99 теңгеден сатып алып, 452,05 теңгеден сатып жатыр. Еуроны 497,99 теңгеге өткізуге болады, ал сатып алу бағасы 507,99 теңгені құрайды. Ресей рублін айырбастау орындары 5,11 теңгеден қабылдап, 5,31 теңгеден сатуда.

Алматыда долларды 447,01 теңгеден өткізіп, 449,03 теңгеден сатып алуға болады. Еуроны қабылдау бағасы 499,54 теңге болса, сату бағасы 504,04 теңгеге жеткен. Ал рубльді 5,17 теңгеден өткізіп, 5,29 теңгеден сатып алуға мүмкіндік бар.

Шымкенттегі ақша айырбастау орындарында доллар 446,17 теңгеден қабылданып, 449,06 теңгеден сатылып жатыр. Еуроны өткізгендер әрбір еуро үшін орта есеппен 500,55 теңге алады, ал сатып алушылар 504,52 теңге төлейді. Рубльдің сатып алу бағасы 5,20 теңге, сату бағасы 5,26 теңге болып отыр.

Қазақстан Ұлттық банкі 11 қарашаға белгілеген ресми бағам бойынша бір АҚШ доллары 447,52 теңгеге, еуро 502,21 теңгеге, ал Ресей рублі 5,41 теңгеге тең.

Айта кетейік, 10 қарашада Қазақстан қор биржасында (KASE) өткен күндізгі сауда қорытындысында доллардың орташа бағамы 447,52 теңге болды. Осылайша, АҚШ валютасы алдыңғы сауда күнімен салыстырғанда 1,3 теңгеге арзандап, теңгенің бағамы нығайды.

Ақша айырбастау орындарындағы бағалар күн ішінде өзгеруі мүмкін. Сондықтан валюта айырбастамас бұрын нақты бағамды тексерген жөн.