«Қазгидромет» 20 қыркүйекке арналған дауылды ескертуді жариялады. Синоптиктер елдің бірқатар өңірінде найзағай, жаңбыр, тұман және қатты жел болатынын болжап отыр. Сонымен қатар көптеген облыста өрт қаупі жоғары немесе төтенше деңгейде сақталады, деп Baspasoz.kz тілшісі Zakon.kz-ке сілтеме жасап хабарлайды.
Астанада өрт қаупі жоғары болады.
Ақмола облысында түнде және таңертең батыс, солтүстік және шығыс аудандарда тұман түседі. Облыстың оңтүстігі, солтүстігі, шығысы мен орталығында өрт қаупі жоғары деңгейде. Көкшетауда да түнде және таңертең тұман күтіледі.
Алматыда кешке қысқа мерзімді жаңбыр жауып, найзағай ойнайды. Күндіз желдің екпіні 15 м/с-қа дейін жетеді. Өрт қаупі жоғары. Іле Алатауында, сондай-ақ Медеу және Бостандық аудандарының таулы аймақтарында күндіз жаңбыр мен найзағай болып, жел 15-20 м/с-қа дейін күшейеді.
Алматы облысының солтүстігінде, оңтүстігінде және таулы аудандарында күндіз жаңбыр жауып, найзағай ойнайды. Желдің екпіні 15-20 м/с болады. Облыс бойынша өрт қаупі төтенше деңгейде, оңтүстігінде жоғары деңгейде сақталады. Қонаевта кешке жаңбыр мен найзағай күтіледі. Күндіз жел 15-20 м/с-қа дейін күшейеді.
Шымкентте өрт қаупінің төтенше деңгейі сақталады.
Түркістан облысының солтүстігі мен таулы аудандарында қысқа мерзімді жаңбыр жауып, найзағай ойнайды. Желдің екпіні 15-20 м/с-қа дейін жетеді. Облыста және Түркістан қаласында өрт қаупі төтенше деңгейде.
Ақтөбе облысының батысы, оңтүстігі мен орталығында өрт қаупі төтенше деңгейде болады.
Атырау облысының оңтүстігінде және Атырау қаласында төтенше өрт қаупі сақталады.
Қызылорда облысында күндіз солтүстік және шығыс аудандарда желдің екпіні 15-20 м/с-қа дейін күшейеді. Облыста және Қызылорда қаласында өрт қаупі төтенше деңгейде.
Маңғыстау облысының солтүстік-батысы мен оңтүстігінде түнде аздаған жаңбыр жауып, найзағай болуы мүмкін. Солтүстік және орталық аудандарда өрт қаупі жоғары, солтүстік-шығыста төтенше деңгейде.
Ұлытау облысында түнде және таңертең батыс пен солтүстікте жаңбыр, найзағай күтіледі. Шығыс пен орталықта да аздаған жаңбыр жауып, найзағай ойнайды. Күндіз оңтүстікте жел 15 м/с-қа дейін күшейеді. Облыста төтенше өрт қаупі сақталады. Жезқазғанда таңертең және күндіз жаңбыр мен найзағай күтіледі.
Қарағанды облысының батысы мен оңтүстігінде таңертең және күндіз аздаған жаңбыр жауып, найзағай ойнайды. Облыстың бірқатар аумағында өрт қаупі жоғары, батысында, солтүстігі мен шығысында төтенше деңгейде. Қарағанды қаласында да төтенше өрт қаупі сақталады.
Жамбыл облысында таңертең және күндіз батыс пен оңтүстікте, шығыста және таулы аудандарда жаңбыр, найзағай, бұршақ және дауылды жел күтіледі. Түнде таулы аймақтарда, күндіз оңтүстік-батыс, солтүстік-шығыс және таулы аудандарда жел 15-20 м/с болады. Кей уақыттарда желдің екпіні 23-28 м/с-қа дейін жетуі мүмкін. Таразда күндіз жел 15-20 м/с-қа дейін күшейеді. Облыста төтенше өрт қаупі сақталады.
Қостанай облысының батысы мен солтүстігінде түнде және таңертең тұман түседі. Қостанай қаласында да осы уақытта тұман күтіледі.
Батыс Қазақстан облысының батысы, солтүстігі мен шығысында түнде және таңертең тұман болады. Оралда да тұман күтіледі.
Солтүстік Қазақстан облысында түнде және таңертең тұман түседі. Шығысында өрт қаупі жоғары деңгейде. Петропавлда да түнде және таңертең тұман болады.
Павлодар облысының солтүстігі, шығысы және орталығында түнде және таңертең тұман күтіледі. Облыста өрт қаупі жоғары. Павлодарда да тұман болады.
Жетісу облысының оңтүстігі мен таулы аудандарында күндіз жаңбыр жауып, найзағай ойнайды. Алакөл көлдері маңында жел 15-20 м/с-қа дейін күшейеді.
Абай облысында өрт қаупі жоғары деңгейде. Солтүстік-батысы мен оңтүстігінде қауіп төтенше деңгейге жетеді. Семейде жоғары өрт қаупі сақталады.
Шығыс Қазақстан облысының солтүстігінде түнде және таңертең тұман түседі. Батыс, шығыс және оңтүстік аудандарда өрт қаупі жоғары, оңтүстік-шығыста төтенше деңгейде болады.
