Астана мен Алматыда ауа райы күрт өзгереді
«Қазгидромет» Астана мен Алматы қалаларында алдағы үш күнде ауа райы қандай болатынын хабарлады. Синоптиктердің болжамынша, 1 қазаннан бастап екі қалада да жаңбыр жауып, найзағай ойнайды, деп Baspasoz.kz тілшісі Tengrinews.kz-ке сілтеме жасап хабарлайды.
Астанадағы ауа райы
30 қыркүйекте елордада күн құбылмалы бұлтты, жауын-шашынсыз болады. Солтүстік-шығыстан және шығыстан соғатын желдің жылдамдығы секундына 9-14 метрге жетіп, күндіз екпіні 15-18 метрге дейін күшейеді. Түнде ауа температурасы +4...+6°C, күндіз +19...+21°C болады.
1 қазанда күндіз жаңбыр жауып, найзағай ойнайды. Оңтүстік-шығыстан секундына 9-14 метр жылдамдықпен жел соғады. Түнде +5...+7°C, күндіз +15...+17°C шамасында болады.
2 қазанда жаңбыр ара-тұра жауады, күндіз найзағай күтіледі. Оңтүстік-батыстан соғатын желдің жылдамдығы секундына 9-14 метр, екпіні 15-20 метрге дейін жетеді. Ауа температурасы түнде +5...+7°C, күндіз +15...+17°C болады.
Алматыдағы ауа райы
30 қыркүйекте Алматыда жауын-шашын болмайды. Солтүстік-шығыстан секундына 3-8 метр жылдамдықпен жел соғады. Түнде +9...+11°C, күндіз +22...+24°C болады.
1 қазанда күндіз жаңбыр жауып, найзағай ойнайды. Оңтүстік-батыстан соғатын жел түнде секундына 3-8 метр, күндіз 5-10 метр болады. Жел екпіні кей уақытта секундына 13 метрге жетеді. Түнде +12...+14°C, күндіз +22...+24°C жылы болады.
2 қазанда түнде және таңертең жаңбыр жауып, найзағай ойнайды. Солтүстік-шығыстан соғатын желдің жылдамдығы секундына 5-10 метр, кей уақытта екпіні 15 метрге дейін күшейеді. Түнде ауа температурасы +10...+12°C, күндіз +19...+21°C болады.
Қазақстанда күн райы өзгереді
Синоптиктердің мәліметінше, алдағы күндері еліміздің басым бөлігінде жауын-шашынсыз ауа райы сақталады. Алайда 1 қазаннан бастап жағдай өзгереді: Қазақстанның көптеген өңірінде жаңбыр жауып, найзағай күтіледі. Ал елдің солтүстік бөлігінде түнгі үсік сақталады.