Астанада 2026–2027 жылдардағы жылу беру маусымы 2 қазанда басталады. Бұл туралы қала әкімдігінің қаулысында айтылған, деп Baspasoz.kz тілшісі Zakon.kz-ке сілтеме жасап хабарлайды.
Жылыту маусымына дайындық аясында елордадағы жылу желілері гидравликалық сынақтан өткізіліп, анықталған ақаулар жөнделді. Сонымен қатар желілерді жаңғырту және жөндеу жұмыстары жүргізілді.
«Қазгидромет» болжамына сәйкес, 2 қазанға қараған түні Астанада ауа температурасы +5 градусқа дейін төмендейді. Бұдан бөлек, 4 қазанға дейін қалада жаңбыр мен қар аралас жауын-шашын күтіледі.
