Доллар бағамы 15 қыркүйекте сәл төмендеді

15 қыркүйекте Қазақстан қор биржасында (KASE) шетел валюталары бойынша күндізгі сауда-саттық аяқталды. Сауда қорытындысы бойынша доллар бағамы сәл төмендеді, деп Baspasoz.kz тілшісі Zakon.kz-ке сілтеме жасап хабарлайды.

KASE-дегі доллардың орташа бағамы 447,88 теңгені құрады. Бұл алдыңғы сауда күніндегі көрсеткіштен 0,06 теңгеге төмен.

Рубль бағамы 5,31 теңгеге дейін түсіп, 0,01 теңгеге арзандады. Ал юаньның құны 66,79 теңге болып, 0,12 теңгеге төмендеді.

Қазақстандағы айырбастау пункттерінде долларды 447,6–450 теңгеден сатып алуға болады. Еуро 515,2–520,4 теңге аралығында, ал рубль 5,08–5,19 теңге шамасында айырбасталып жатыр.

Сонымен қатар, 15 қыркүйекте әлемдік нарықта мұнай бағасы өсті. ICE Futures биржасында қараша айындағы Brent маркалы мұнай фьючерстерінің бағасы 1,79 пайызға көтеріліп, барреліне 107,57 долларға жетті.

NYMEX биржасында қазан айына арналған WTI мұнайы 1,91 пайызға қымбаттап, барреліне 103,33 доллар болды.

Таңертең Қазақстан Ұлттық банкі доллардың ресми бағамын 447,8 теңге, еуроны 516,76 теңге, рубльді 5,3 теңге деңгейінде белгіледі.