Доллар теңгеге шаққанда күрт қымбаттады

Қазақстан қор биржасында (KASE) шетел валюталары бойынша күндізгі сауда аяқталды. Сауда қорытындысында доллар бағамы айтарлықтай өсті, деп Baspasoz.kz тілшісі Kazinform.kz-ке сілтеме жасап хабарлайды.

Күндізгі сессия нәтижесінде АҚШ долларының орташа бағамы 447,73 теңгеге жетті. Осылайша, бір күнде доллар 5,47 теңгеге қымбаттады. Ал Ұлттық банктің 2 қазанға белгілеген ресми бағамы – 441,91 теңге.

Kurs.kz мәліметінше, Астанадағы ақша айырбастау орындарында долларды орта есеппен 443 теңгеден өткізіп, 450 теңгеден сатып алуға болады. Еуроның сату бағасы – 500 теңге, сатып алу бағасы – 510 теңге. Ресей рублі 5,10–5,30 теңге аралығында саудаланып жатыр.

Алматыда долларды орта есеппен 446,75 теңгеден өткізіп, 449,15 теңгеден сатып алуға болады. Еуро 501,72–506,45 теңге, ал рубль 5,06–5,19 теңге аралығында саудалануда.

Шымкентте доллардың айырбастау орындарындағы бағамы 447,69–449,76 теңге аралығында. Еуроны 502,64 теңгеден өткізіп, 507,88 теңгеден сатып алуға болады. Ресей рублінің бағамы – 5,10–5,17 теңге.

Айта кетейік, 1 қазандағы күндізгі сауда қорытындысында доллардың орташа бағамы 441,91 теңге болған. Сол күні АҚШ валютасы 1,42 теңгеге қымбаттаған еді.