Конституциялық Сотқа кімдер жүгіне алады?
Қазақстан Республикасының Конституциялық Сотына бірқатар мемлекеттік лауазымды тұлғалар мен азаматтар жүгінуге құқылы, деп хабарлайды Baspasoz.kz.
Конституцияның 73-бабына сәйкес, Конституциялық Сотқа Қазақстан Президенті, Құрылтай Төрағасы, Құрылтай депутаттарының жалпы санының кемінде бестен бір бөлігі, Премьер-Министр, Бас Прокурор, Адам құқықтары жөніндегі уәкіл, сондай-ақ Қазақстан азаматтары өтініш бере алады.
Сонымен қатар соттар да Конституциялық Сотқа жүгіне алады. Егер істі қарау барысында қолданылуға тиіс заң немесе өзге де нормативтік құқықтық акт Конституцияда кепілдік берілген адамның құқықтары мен бостандықтарына нұқсан келтіреді деген қорытындыға келсе, сот іс жүргізуді уақытша тоқтатуға міндетті.
Мұндай жағдайда сот тиісті нормативтік құқықтық актіні Конституцияға қайшы деп тану туралы ұсынумен Конституциялық Сотқа жүгінеді.