17 қыркүйекте Қазақстан қор биржасында (KASE) шетел валюталары бойынша күндізгі сауда аяқталды. Сауда қорытындысы бойынша доллардың орташа бағамы 444,58 теңге болды. Бұл алдыңғы сауда күніндегі көрсеткіштен 0,25 теңгеге төмен, деп Baspasoz.kz тілшісі Zakon.kz-ке сілтеме жасап хабарлайды.
Рубльдің бағамы 5,25 теңгеге дейін түсіп, 0,03 теңгеге арзандады. Қытай юанінің құны 66,27 теңгені құрады, бұл 0,14 теңгеге төмен көрсеткіш.
Айырбастау пункттерінде доллар 444,5–446,4 теңгеден, еуро 509,7–515 теңгеден, ал рубль 5–5,12 теңгеден сатылып жатыр.
17 қыркүйекте әлемдік нарықта мұнай бағасы да төмендеді. Лондондағы ICE биржасында Brent маркалы мұнайдың бір баррелі 1,08 долларға арзандап, 104,75 доллар болды.
Нью-Йорктегі NYMEX биржасында Light маркалы мұнайдың бағасы 1,07 долларға төмендеп, барреліне 101,36 долларды құрады.
Таңертең Ұлттық банк доллардың ресми бағамын 444,88 теңге, еуроны 513,26 теңге, рубльді 5,28 теңге деңгейінде белгілеген.
