Қазақстан президенті Қасым-Жомарт Тоқаев пен Ресей президенті Владимир Путин Үндістанда бейресми кездесу өткізді, деп хабарлайды Baspasoz.kz.
Кездесу БРИКС саммитіне қатысушы мемлекеттердің басшылары мен делегация жетекшілеріне арналған ресми қабылдаудан кейін өткен.
"Интерфакс" агенттігінің хабарлауынша, Владимир Путин Қасым-Жомарт Тоқаевты қабылдаудан соң бейресми әңгімеге шақырған.
Кремльдің баспасөз хатшысы Дмитрий Песков екі ел президентінің кездескенін растады.
"Президент Тоқаевты бейресми түрде жай ғана әңгімелесуге шақырды", – деді Дмитрий Песков.
Қасым-Жомарт Тоқаев БРИКС саммитіне қатысу үшін бұған дейін Нью-Делиге барған.
Сапар аясында Мемлекет басшысы бірқатар кездесулер өткізіп, соның ішінде Абу-Даби тақ мұрагерімен және АҚШ президентінің арнайы өкілімен келіссөз жүргізген.
