Қазгидромет 1–3 қазан аралығында Астана, Алматы және Шымкентте болатын ауа райының болжамын жариялады. Алдағы күндері үш мегаполистің екеуінде жаңбыр жауып, кей жерлерде найзағай ойнайды. Астанада жел күшейіп, күн біртіндеп салқындайды, деп Baspasoz.kz тілшісі Zakon.kz-ке сілтеме жасап хабарлайды.
Астана
1 қазанда күн құбылмалы бұлтты болады. Күндіз жаңбыр жауады. Оңтүстік-шығыстан соққан желдің жылдамдығы секундына 9–14 метр, екпіні 15–18 метрге дейін жетеді. Түнде ауа температурасы +6…+8 градус, күндіз +16…+18 градус болады.
2 қазанда мезгіл-мезгіл жаңбыр жауады. Оңтүстік-батыстан секундына 9–14 метр жылдамдықпен жел соғып, екпіні 15–20 метрге дейін күшейеді. Түнде +5…+7 градус, күндіз +16…+18 градус күтіледі.
3 қазанда да жауын-шашынды ауа райы сақталады. Оңтүстік-батыстан соққан желдің екпіні секундына 15–20 метрге жетуі мүмкін. Түнде +7…+9 градус, күндіз +15…+17 градус болады.
Алматы
1 қазанда күн құбылмалы бұлтты болады. Кешке өткінші жаңбыр жауып, найзағай ойнайды. Солтүстік-батыстан секундына 3–8 метр жылдамдықпен жел соғады, күндіз екпіні 13 метрге дейін жетеді. Түнде +12…+14 градус, күндіз +24…+26 градус жылы болады.
2 қазанда түнде және таңертең жаңбыр жауады. Оңтүстік-батыстан соққан желдің жылдамдығы секундына 5–10 метр, кей уақытта екпіні 15 метрге жетеді. Түнде +10…+12 градус, күндіз +19…+21 градус болады.
3 қазанда жауын-шашын болмайды. Оңтүстік-батыстан секундына 5–10 метр жылдамдықпен жел соғады, кей уақытта екпіні 13 метрге дейін күшейеді. Түнде +10…+12 градус, күндіз +23…+25 градус күтіледі.
Шымкент
1 қазанда жаңбыр жауып, найзағай ойнайды. Күндіз кей уақытта жаңбыр күшейеді. Алдымен солтүстік-шығыстан соққан жел кейін оңтүстік-батысқа ауысады. Желдің жылдамдығы секундына 8–13 метр, екпіні 15–20 метрге жетеді. Түнде +12…+14 градус, күндіз +18…+20 градус болады.
2 қазанда түнде жаңбыр жауып, найзағай ойнайды. Оңтүстік және оңтүстік-батыстан секундына 8–13 метр жылдамдықпен жел соғады, түнде екпіні 15–20 метрге дейін жетеді. Ауа температурасы түнде +12…+14 градус, күндіз +22…+24 градус болады.
3 қазанда жауын-шашын тоқтайды. Оңтүстік және оңтүстік-батыстан секундына 8–13 метр жылдамдықпен жел соғады. Түнде жел екпіні 15–20 метрге дейін күшеюі мүмкін. Түнде +12…+14 градус, күндіз +26…+28 градус жылы болады.
Осылайша, қазанның алғашқы күндері Астанада салқын әрі жаңбырлы ауа райы сақталса, Алматы мен Шымкентте жауын-шашыннан кейін күн қайта жылынады. 3 қазанда Алматыда күндіз +25 градусқа, Шымкентте +28 градусқа дейін жылынады.
Бұған дейін синоптиктер Қазақстанда қазан айының басында күн күрт суытып, кей өңірлерде ауа температурасы -6 градусқа дейін төмендеуі мүмкін екенін хабарлаған. Сондай-ақ жаңбырдың соңы қарға ұласатын аймақтар бар.
