4 қарашадағы валюта бағамы: доллар, еуро және рубль қанша тұрады?

4 қарашада Қазақстанның үш ірі қаласындағы ақша айырбастау орындарында доллар, еуро және рубльдің бағамы белгілі болды. Астана, Алматы және Шымкенттегі шетел валюталарының сатып алу және сату бағасы әртүрлі, деп Baspasoz.kz тілшісі Kazinform.kz-ке сілтеме жасап хабарлайды.

Kurs.kz мәліметінше, Астанада ақша айырбастау орындары долларды орта есеппен 450 теңгеден сатып алып, 457 теңгеден сатып жатыр. Еуроны 500 теңгеге өткізіп, 510 теңгеге сатып алуға болады. Ал Ресей рублін айырбастау орындары 5,22 теңгеден қабылдап, 5,42 теңгеден саудалап жатыр.

Алматыда долларды 452,28 теңгеге өткізіп, 454,36 теңгеге сатып алуға болады. Еуроны айырбастау орындары орта есеппен 505,36 теңгеден қабылдайды, ал сату бағасы 509,81 теңгені құрайды. Рубльді 5,24 теңгеге өткізіп, 5,36 теңгеге сатып алуға мүмкіндік бар.

Шымкентте доллардың сатып алу бағасы 452,10 теңге, сату бағасы 454,24 теңге болып тұр. Еуроны 505,61 теңгеге өткізіп, 509,32 теңгеге сатып алуға болады. Ал рубльді айырбастау орындары 5,29 теңгеден қабылдап, 5,36 теңгеден сатып жатыр.

Қазақстан Ұлттық банкі белгілеген 4 қарашадағы ресми бағам бойынша бір АҚШ доллары 453,26 теңгеге, еуро 506,70 теңгеге, ал Ресей рублі 5,58 теңгеге тең.

Айта кетейік, 3 қарашада Қазақстан қор биржасында (KASE) өткен күндізгі сауда қорытындысында доллардың орташа бағамы 453,26 теңге болды. Осылайша, АҚШ валютасы алдыңғы саудамен салыстырғанда 22 тиынға арзандады.