2 қарашада Қазақстанның ірі қалаларындағы ақша айырбастау орындарында доллар, еуро және рубльдің сатып алу мен сату бағамы белгілі болды, деп Baspasoz.kz тілшісі Kazinform.kz-ке сілтеме жасап хабарлайды.
Бүгін Астанада долларды орта есеппен 449,97 теңгеден өткізіп, 456,97 теңгеден сатып алуға болады. Еуроны айырбастау орындары 501,97 теңгеден қабылдап, 511,97 теңгеден сатуда. Ал Ресей рублінің сатып алу бағасы 5,30 теңге болса, сату бағасы 5,50 теңгені құрайды.
Алматыда доллардың сатып алу бағамы 452,99 теңге, ал сату бағамы 455,15 теңге болып белгіленген. Еуроны 503,90 теңгеден өткізіп, 508,10 теңгеден сатып алуға болады. Рубльді айырбастау орындары 5,32 теңгеден қабылдап, 5,44 теңгеден сатуда.
Шымкентте долларды 452 теңгеден өткізіп, 455 теңгеден сатып алуға мүмкіндік бар. Еуроның сатып алу бағасы орта есеппен 504,77 теңге, ал сату бағасы 509,38 теңге. Ресей рублі 5,34 теңгеден қабылданып, 5,45 теңгеден сатылып жатыр.
Қазақстан Ұлттық банкі белгілеген 2 қарашадағы ресми бағам бойынша бір АҚШ доллары 453,87 теңгеге, еуро 508,33 теңгеге, ал Ресей рублі 5,65 теңгеге тең.
Айта кетейік, 30 қазанда Қазақстан қор биржасындағы күндізгі сауда қорытындысында доллардың орташа бағамы 453,87 теңге болды. Бұл алдыңғы көрсеткішпен салыстырғанда 0,27 теңгеге жоғары. Осылайша, ұлттық валютаға шаққанда доллар бағамы аздап өскен.
Ақша айырбастау орындарындағы бағам нарықтағы сұраныс пен ұсынысқа байланысты өзгеріп отырады. Сондықтан валюта сатып алу немесе сату алдында нақты айырбастау пунктіндегі бағаны тексерген жөн.
