5 қарашадағы валюта бағамы: доллар, еуро және рубль қанша тұрады?

5 қарашада Қазақстанның үш ірі қаласындағы ақша айырбастау орындарында шетел валюталарының сатып алу және сату бағамдары белгілі болды. Астана, Алматы және Шымкенттегі доллар, еуро мен рубль бағасы бір-бірінен аздап ерекшеленеді, деп Baspasoz.kz тілшісі Kazinform.kz-ке сілтеме жасап хабарлайды.

Kurs.kz мәліметінше, Астанадағы айырбастау пункттерінде АҚШ доллары орта есеппен 449,48 теңгеден сатып алынып, 455,85 теңгеден сатылып жатыр. Еуроны 502,16 теңгеге өткізуге, ал 512,17 теңгеге сатып алуға болады. Ресей рублінің сатып алу бағасы 5,25 теңгені, сату бағасы 5,45 теңгені құрайды.

Алматыда доллардың орташа сатып алу бағамы 451,93 теңге болса, сату құны 453,75 теңгеге жеткен. Еуро 505,72 теңгеден сатып алынып, 510,03 теңгеден сатылуда. Ал рубльді айырбастау орындары 5,26 теңгеден қабылдап, 5,38 теңгеден сатып жатыр.

Шымкентте бір долларды 452,21 теңгеге өткізіп, 454,26 теңгеге сатып алуға болады. Еуроның сатып алу бағасы 506,33 теңгені, ал сату бағасы 510,02 теңгені құрады. Ресей рублі 5,27 теңгеден сатып алынып, 5,35 теңгеден сатылып жатыр.

5 қарашадағы ресми валюта бағамы

Қазақстан Ұлттық банкі белгілеген ресми бағам бойынша:

1 АҚШ доллары – 452,91 теңге;

1 еуро – 509,43 теңге;

1 Ресей рублі – 5,53 теңге.

Айта кетейік, 4 қарашада Қазақстан қор биржасындағы (KASE) күндізгі сауда қорытындысында доллардың орташа бағамы 452,91 теңге болды. Осылайша, америкалық валюта алдыңғы көрсеткішпен салыстырғанда 0,24 теңгеге арзандап, теңгенің нығаю үрдісі жалғасты.

Мамандар айырбастау пункттеріндегі бағамдардың нарықтағы сұраныс пен ұсынысқа байланысты өзгеріп отыратынын ескертеді. Сондықтан валюта айырбастамас бұрын нақты бағасын тексерген жөн.