Қазақстанның ақылы жолдарында жазда 25,8 млн рет көлік жүрд

Қазақстандағы ақылы жолдардың 28 учаскесінде жаз айларында 25,8 млн көлік қозғалысы тіркелді, деп Baspasoz.kz тілшісі Kazinform.kz-ке сілтеме жасап хабарлайды.

Маусым-тамыз аралығында ақылы учаскелермен тәулігіне орта есеппен 281 мыңға жуық көлік жүрген.

Ең көп көлік Алматы – Қонаев бағытына тиесілі. Бұл жолда жаз бойы 4,3 млн-нан астам көлік қозғалысы тіркелген.

Одан кейінгі орындарда Шымкент – Өзбекстан шекарасы бағыты – 2,68 млн және Шымкент – Тараз трассасы – 1,87 млн көлікпен тұр.

Туристер жиі баратын бағыттарда да көлік ағыны жоғары болған. Олардың қатарында Астана – Щучинск және Қарағанды – Балқаш бағыттары бар.