Картоп – 214, пияз – 139 теңге: Алматыда көкөніс бағасы бекітілді

Алматыда картоп, сәбіз, пияз және қырыққабаттың бағасы бекітілді. 1 қыркүйектен бастап бұл өнімдер Magnum Cash&Carry дүкендерінде белгіленген бағамен сатылып жатыр. Бұл туралы Алматы қаласының әкімдігі мәлімдеді, деп Baspasoz.kz тілшісі Informburo.kz-ке сілтеме жасап хабарлайды.

Қазір көкөністердің бір келісі мынадай бағамен саудалануда:

картоп – 214 теңге;

сәбіз – 208 теңге;

пияз – 139 теңге;

қырыққабат – 118 теңге.

Белгіленген шекті бағалар екі апта сайын қайта қаралады.

Әлеуметтік-кәсіпкерлік корпорациясы «Алматы» мен Magnum Cash&Carry арасында тиісті келісім жасалған. Ол 2027 жылғы 30 сәуірге дейін күшінде болады.

Келісім аясында аталған сауда желісі арқылы барлығы 9920 тонна көкөніс сату жоспарланған. Оның ішінде 4960 тоннасы – картоп, 2000 тоннасы – пияз, 1760 тоннасы – сәбіз, ал 1200 тоннасы – қырыққабат.