Қазақстанның Астана, Алматы және Шымкент қалаларындағы ақша айырбастау орындарында доллар, еуро және рубльдің 30 қазанға арналған бағамы белгілі болды. АҚШ долларының құны төмендеп, ұлттық валюта нығая түсті, деп Baspasoz.kz тілшісі Kazinform.kz-ке сілтеме жасап хабарлайды.
Kurs.kz мәліметіне сүйенсек, еліміздің ірі қалаларында шетел валюталарын сатып алу және сату бағамдары әртүрлі қалыптасқан.
Астана, Алматы және Шымкенттегі валюта бағамы
Астанада долларды орта есеппен 449,06 теңгеге өткізіп, 456,06 теңгеге сатып алуға болады. Еуроны айырбастау орындары 500,06 теңгеден қабылдап, 510,06 теңгеден сатады. Ал рубльдің сатып алу бағасы 5,35 теңге болса, сату бағасы 5,55 теңгені құрайды.
Алматыда долларды 452,29 теңгеге өткізуге, ал 454,18 теңгеге сатып алуға болады. Еуроны айырбастау орындары орта есеппен 502,23 теңгеден қабылдап, 506,45 теңгеден сатады. Ресей рублін 5,34 теңгеге өткізіп, 5,46 теңгеге сатып алуға мүмкіндік бар.
Шымкентте доллардың сатып алу бағамы 452,69 теңге, сату бағамы 453,50 теңге болып белгіленген. Еуроны 504,82 теңгеге өткізіп, 508,43 теңгеге сатып алуға болады. Ал рубльді айырбастау орындары 5,36 теңгеден қабылдап, 5,44 теңгеден сатады.
Ұлттық банктің ресми бағамы қандай?
Қазақстан Ұлттық банкі белгілеген 30 қазанға арналған ресми бағам мынадай:
АҚШ доллары – 453,71 теңге;
Еуро – 505,80 теңге;
Ресей рублі – 5,63 теңге.
Айта кетейік, ресми бағам мен ақша айырбастау орындарындағы баға бірдей болмауы мүмкін. Өйткені әрбір айырбастау пункті валютаны сатып алу және сату құнын өз бетінше белгілейді.
Доллар қанша теңгеге арзандады?
29 қазанда Қазақстан қор биржасындағы күндізгі сауда қорытындысы бойынша доллардың орташа бағамы 453,71 теңге болды. Осылайша, АҚШ валютасы бір күн ішінде 3,22 теңгеге арзандады. Бұл валюта нарығындағы соңғы сауда қорытындысында теңгенің долларға қатысты нығайғанын көрсетеді.
Дегенмен айырбастау орындарындағы бағам сұраныс пен ұсынысқа қарай күн ішінде өзгеруі мүмкін. Сондықтан валюта сатып аларда немесе сатарда бірнеше айырбастау пунктінің бағасын салыстырған жөн.
