Карл Лагерфельдтің сүйікті мысығы Шупетт әйгілі дизайнердің қомақты мұрасынан үлес алмайтын болды. Модельердің өмірден өткеніне жеті жыл болғанда, оның дүние-мүлкі кімдерге қалдырылғаны белгілі болды. Көпшілік күткендей, мұрагерлер қатарында Шупетт те, қазір оған қарайтын адам да жоқ, деп Baspasoz.kz тілшісі BILD-ке сілтеме жасап хабарлайды.
Лагерфельдтің байлығы шамамен 260 млн еуроға бағаланады. Оның мұрагерлері ретінде ұзақ жылдар бойы көмекшісі болған Себастьян Жондо, кіндік баласы Хадсон Кроэниг, оның әкесі, модель Брэд Кроэниг және дизайнердің бұрынғы музасы Батист Джабикони аталған.
Карл Лагерфельд көзі тірісінде Шупеттке ерекше ықыласпен қарайтынын бірнеше рет айтқан. Мысық дизайнермен бірге жеке ұшақпен және Rolls-Royce көлігімен саяхаттап жүрген. Оған екі қызметші, аспаз және күзетші қараған. Тіпті Шупетттің туған күні жыл сайын сән-салтанатпен атап өтілетін.
Лагерфельд қайтыс болғаннан кейін Шупетт Парижде оның бұрынғы үй қызметшісі Франсуаза Касоттың қолында қалды.
Франция заңнамасы бойынша жануарға ақша немесе мүлікті тікелей мұраға қалдыруға болмайды. Дегенмен дизайнер сүйікті мысығының болашағын алдын ала ойластырған. Шупеттті асырауға арнайы қаржы қарастырылып, ал оған қарайтын Франсуаза Касотқа Париж маңынан бақшасы бар үй берілген.
