26 қазандағы мәлімет бойынша Қазақстанның ірі қалаларында бензин, дизель отыны мен автогаз бағасы әртүрлі. Жанармай құны қалаға және жанармай құю бекетіне қарай өзгеріп отырады, деп Baspasoz.kz тілшісі Kazinform.kz-ке сілтеме жасап хабарлайды.
Астана, Алматы және Шымкент қалаларындағы жанармай бағаларына шолу жасалды. Үш мегаполистің ішінде бензиннің бірқатар түрі Шымкентте арзанырақ сатылып жатыр.
АИ-92 және АИ-95 бензинінің бағасы
Елімізде кеңінен қолданылатын АИ-92 маркалы бензиннің бір литрі Астанада 251–253 теңге аралығында сатылуда. Алматыда оның бағасы 250–255 теңге болса, Шымкентте 238–241 теңгені құрайды.
Ал АИ-95 бензинінің бағасы елордада 315–321 теңге аралығында. Алматыда жүргізушілер жанармайдың бұл түріне литріне 320–329 теңге төлейді. Шымкентте АИ-95 бағасы 304–306 теңге шамасында.
АИ-98 және дизель отыны қанша тұрады?
АИ-98 маркалы бензин Астанада литріне 355–365 теңгеден ұсынылады. Алматыда оның құны 360–380 теңгеге жетсе, Шымкентте 345–350 теңге аралығында.
Дизель отынының бағасында да айырмашылық бар. Астанада бір литрі 345–351 теңгеден сатылып жатыр. Алматыда дизельдің бағасы 350–359 теңге болса, Шымкентте 344–357 теңгені құрайды.
Автогаз бағасы
Автогаздың бір литрі Астана мен Алматыда 112 теңгеден сатылуда. Ал Шымкентте оның бағасы 102 теңге болып отыр.
Осылайша, 26 қазандағы деректерге сүйенсек, аталған үш қаланың ішінде бензин мен автогаздың ең төмен бағалары Шымкентте тіркелген.
Айта кетейік, көрсетілген бағалар жанармай құю бекеттеріне байланысты өзгеруі мүмкін.
