19 қазан күні таңертең әлемдік нарықта мұнай бағасы арзандады. Бұған АҚШ-тың Ресейге қатысты санкцияларды жеңілдету туралы шешімі әсер еткен болуы мүмкін, деп Baspasoz.kz тілшісі Kazinform.kz-ке сілтеме жасап хабарлайды.
Сауда-саттық мәліметтеріне сәйкес, Brent маркалы мұнайдың бір баррелі 1,99 долларға (1,81%) арзандап, 107,87 доллар болды.
Ал WTI мұнайының бағасы 0,76 долларға (0,75%) төмендеп, барреліне 100,65 долларды құрады. Ресейдің Urals маркалы мұнайы да 0,59 долларға (0,51%) арзандап, 114,30 доллардан сатылып жатыр.
Мұнай бағасының төмендеуіне АҚШ президенті Дональд Трамптың Ресейге қарсы санкцияларды жұмсарту жөніндегі шешімі ықпал еткен болуы мүмкін. Сарапшылар мұндай қадам әлемдік нарыққа жеткізілетін мұнай көлемін арттыруы ықтимал екенін айтады.
Дегенмен Таяу Шығыстағы шиеленіс мұнай тасымалына әлі де қауіп төндіріп отыр. Бұған дейін Ормуз бұғазында екі миллион баррельден астам мұнай тиеген алып танкер минаға жарылғаны хабарланған.
Осы жағдайға байланысты Қазақстанның БҰҰ жанындағы тұрақты өкілі Қайрат Омаров Қауіпсіздік кеңесінің ашық отырысында Таяу Шығыстағы ахуалға алаңдаушылық білдірді. Ол қақтығыстарды келіссөз арқылы шешіп, жағдайдың одан әрі ушығуына жол бермеу қажеттігін атап өтті.
